Oбвиниенијата беа преголеми: Потпретседателот на ФИФА си поднесе оставка

Меѓународната фудбалска федерација (ФИФА) соопшти дека потпретседателот на таа организација Анхел Марија Виљар, кој беше уапсен поради сомневање за вмешаност во корупција, си поднел оставка.

Тој тоа го направи само неколку часа откако оставка си поднесе и на местото потрпретседател на Европската фудбалска унија (УЕФА).

Неговиот углед во јавноста беше нарушен после овбиненијата за учество во корупција. Виљар го напушта фудбалот после скоро три децении работа на високи функции во двете најголеми фудбалски организации.

Тој беше втор човек на ФИФА и најискусен потпретседател, после претседателот Џани Инфантино.

Покрај тоа Виљар беше и претседател на Фудбалскиот сојуз на Шпанија, па ова е голем удар и за шпанскиот фудбал, освен Виљар во акцијата беше уапсен и неговиот син Горка Виљар.