Откриено колку заработува Чеферин во УЕФА

Шпански „Футбум“ објави колку голема плата има претседателот на Европската куќа на фудбалот (УЕФА), Александар Чеферин.

Според изворите на овој медиум, Словенецот кој е на чело на УЕФА има примања од 3,4 милиони евра.

Шпанците наведуваат дека станува збор за бруто износ, а наводно неговата нето плата изнесува околу 2,04 милиони евра.

Односно, овој словенечки адвокат дневно заработува речиси 6.000 евра од неговиот ангажман во УЕФА. Дополнително, наводно неговата плата неодамна била зголемена.