Oткриени детали од договорот: Клоп на клупата на Германија ќе заработува повеќе од Нагелсман

Јирген Клоп ќе ја преземе улогата на селектор на германската фудбалска репрезентација, а позната е и сумата што ќе ја заработи од Германската фудбалска федерација во рамките на новиот договор.

Новинарот Флориан Плетенберг објави дека Клоп ќе потпише договор што ќе трае до завршувањето на Светското првенство 2030 година, кое ќе се одржи во Шпанија, Португалија и Мароко.

Клоп во моментот е дел од тимот на Ред Бул, но ќе ја прекине соработката без потешкотии во врска со тоа.

🚨✍️ Како што беше објавено во понеделникот, Јирген Клоп ќе добие договор со DFB до 2030 година, вклучувајќи го и Светското првенство во Мароко, Португалија, Шпанија и Уругвај.

Финалните преговори се закажани за петок/сабота во Њујорк.

Клоповото заминување од Ред Бул не претставува проблем… pic.twitter.com/hxAA2PR1Zf

— Florian Plettenberg (@Plettigoal) July 9, 2026

„Билд“ информира дека членовите на Фудбалскиот сојуз веќе во петок ќе имаат средба со Клоп во Њујорк, а овој германски весник дознава и колкава плата ќе има германскиот стручњак.

Клоп ќе заработува околу девет милиони евра годишно, што е за два милиони евра повеќе од тоа што го заработуваше Јулијан Нагелсман.