Oхрид претстави ново засилување – потпиша со поранешен ракометар на Вардар!

Македонскиот повремен репрезентативе, Мартин Карапалевски е ново засилување за ГРК Охрид и со овој клуб потпиша договор до 2028 година.

Во Охрид Карапалевски пристигнува од шпански Ваљадолид каде што настапуваше две сезони, претходно беше дел од Вардар.

“Се радувам што ќе бидам дел од ГРК Охрид, клуб кој расте од година во година. Уште од првите разговори ми се допадна идејата и проектот по кој клубот сака да се движи во наредните години. Со нетрпение чекам да настапам пред охридската публика и верувам дека заедно ќе се радуваме и ќе ги исполниме целите на клубот“, изјави Карапалевски.