Официјално: Вучиниќ е нов селектор на Црна Гора

Од Фудбалскиот сојуз на Црна Гора официјално го објавија назначувањето на локалната легенда Мирко Вучиниќ за нов селектор на националниот тим на државата. Тој го заменува на позицијата ослободениот Роберт Просинечки, на кого досега му беше асистент.

„Со него на теренот сонувавме и никогаш не се плашевме од тој што стоеше спроти нас. Нова улога во момент кога расте нова генерација мајстори што го гледале и пораснале со приказните и легендите за него. Нашиот прв капитен. Нашиот мајстор. Нашиот селектор. Нашиот…МИРКО ВУЧИНИЌ!”, напишаа од фудбалскиот сојуз во својата изјава.