Oгромен интерес: ФИФА веќе продала над 2.5 милиони влезници за СП во Катар

Светското првенство во Катар кое ќе се одигра на крајот од оваа година ќе биде централниот фудбалски настан годинава, а фудбалските фанови веќе на големо се спремаат за овој спектакл.

ФИФА потврди дека досега се продадени вкупно 2.5 милиони влезници за натпреварите. Најголема побарувачка до овој момент имало за натпреварот помеѓу Бразил и Камерун кој ќе се игра на 2. декември во Лусаил.

Веднаш зад овој дуел е уште еден меч на „Кариоките“ и тоа против Србија, натпревар од првото коло во групната фаза.

ФИФА соопштија дека најголем број купувачи се фанови кои живеат во: Катар, Саудиска Арабија, САД, Мексико, Обединетите Арапски Емирати, Англија, Аргентина, Бразил, Велс и Австралија.