Њукасл го победи Челзи и ита кон Лигата на шампиони

Њукасл го доби дуелот со Челзи на „Сент Џејмс Парк” со 2-0 и направи чекор напред кон пласман во Лигата на шампиони следната сезона.

Резултатот на „Сент Џејмс Парк“ го отвори Сандро Тонали со гол уште во втората минута од средбата по асистенција на Марфи.

Дополнителен проблем за гостите од Лондон беше и црвениот картон на Николас Џексон во 36-та минута, па „сините“ беа немоќни со играч помалку.

Во судиското продолжение точка на победата стави Бруно Гимараеш со голот за конечните 2-0.