Шансите дека Рафаел Леао ова лето ќе се пресели во Баерн се намалуваат, тоа е факт, меѓутоа Баварците не се откажале целосно од португалскиот крилен напаѓач. Според информациите на Футмеркато, клубот од Минхен подготви нова понуда која ќе биде испратена до адресата на Милан следната недела.
Да потсетиме, вчера се појави вест дека Макс Еберл се откажа од Леао, односно дека се фокусира целосно на помладиот и поевтин Нико Вилијамс (22); беше наведено дури и дека португалската ѕвезда се налутила на луѓето од германскиот шампион, бидејќи лесно се откажале; сепак, изгледа дека контактите не се прекинати.
Сè што треба да знаете за НОВИОТ формат на Светското клупско првенство! ↓↓↓
Првата понуда изнесуваше само 60.000.000 евра и беше брзо одбиена од страна на Милан. А со втората Еберл ќе се обиде да постигне две цели со еден удар – да најде замена за Лирој Сане и да најде нов клуб за Кингсли Коман.
Футмеркато пишува дека Росонерите ќе ја разгледаат посериозно понудата од 75.000.000 евра и францускиот офанзивец во пакет.
Фото: Принтскрин
Учество во игри на среќа е дозволено за лица со 18+ години. Играј одговорно!