Неверојатно: Малку фалело луѓето во Барселона да се откажат од Јамал – чудно им одел!

Денес Ламин Јамал е глобална фудбалска ѕвезда, чиј пат до врвот беше блескав. Малку се знае дека како дете имаше необичен начин на одење кој речиси ги излажа скаутите. Ова го сподели Жорди Рура, поранешниот директор на младинската школа Ла Масија на Барса, кој во интервју за „El planter“ на Радио Игуалада ги опиша првите денови на еден од најголемите таленти на денешницата.

Рура, кој ја водеше академијата на Барса од 2015 до 2021 година, беше човекот кој го донесе Јамал во клубот додека тој сé уште играше за клубот Ла Торета. Веднаш забележа дека станува збор за посебно дете.

“Има некои кои имаат нешто посебно. Ламин Јамал, кога беше мал… сите трчаа по топката, а тој не. Но кога ќе ја добиеше, гол. Нешто разбираше,“ се присети Рура, а потоа откри еден необичен детал: “Одењето му беше чудно,“ коментираше, имитирајќи го со нозете чекорот на младиот талент.

И покрај тоа и фактот што „не опфаќаше никого“ во игра, прикажаниот квалитет беше доволен Барселона да реши да инвестира во него.