Третото коло од групата Г на Светското клупско првенство, кое се одржува во Соединетите Американски Држави, ни донесе Интересно дерби меѓу Јувентус и Манчестер Сити.
„Граѓаните“ поведоа уште во деветтата минута преку Доку, но Копмајнерс само две минути подоцна успеа да го израмни резултатот.
Екипата на Пеп Гвардиола продолжи со нападите по тоа, а наградата стаса во 26-тата минута. По впечатливо продирање по страничната линија од страна на Савињо, топката заврши на средината, каде што дефанзивецот на Јувентус, Пјер Калулу, иако беше без никаков притисок и опасност, ја испрати во сопствената мрежа.
Игор Тудор беше вчудоневиден по постапката на својот дефанзивец, но неговите соиграчи го охрабруваа по несреќниот потег.
Погледнете го автоголот во продолжение:
Учество во игри на среќа е дозволено за лица со 18+ години. Играј одговорно!