Навивачи испраќаат смртни закани до шампионка на Вимблдон (Фото)

Чешката тенисерка Маркета Вондрушова повторно е на мета на незадоволни луѓе кои и овој пат ѝ се закануваат со смрт!

Вондрушова е шампионка на Вимблдон од 2023 година, но изминатата година се бори со формата и сега на турнирот во Абу Даби беше поразена од Белинда Бенчиќ со 2:0 во сетови.

Веднаш по поразот, Маркета се јави на социјалните мрежи за да го подигне гласот поради онлајн вознемирување и ги сподели сите страшни пораки кои ги примила.

Меѓу нив имаше бројни кои посакуваа смрт на тенисерката, што е исклучително загрижувачки.

– Ми недостасуваше ова – беше саркастичен коментар на тенисерката која на својата „сторија“ ги сподели негативните коментари.

pic.twitter.com/owZWWFx4oh

— Рикардо Какa (@рикардонc) 6 февруари, 2025