Српската ѕвезда блескаше Никола Јокиќ и во 2024 година ги поместуваше границите и бележеше бројки какви што не се паметат. Импресивната сезона на крај беше крунисана со нова МВП титула, третата во неговата кариера.
Сомборецот беше навистина незапирлив на теренот. Со неверојатни потези ги доведуваше противниците до лудило и ги оставаше љубителите на кошарката ширум планетата без зборови, а меѓу многуте спектакуларни потези што ги направи, еден се издвои посебно.
На почетокот од јануари, Денвер и Голден Стејт одиграа исклучително возбудлив натпревар. Денвер славеше со резултат 130:127, а херојот на триумфот беше Никола Јокиќ, кој во последната секунда речиси од половина терен погоди тројка за победа.
На 26 секунди пред крајот донесе изедначување за својот тим, а потоа во последниот напад од исклучително тешка позиција стави крај на мечот.
Учество во игри на среќа е дозволено за лица со 18+ години. Играј одговорно!