МЗТ Скопје се пласира во полуфинале на Првата лига

Кошаркарите на МЗТ Скопје го остварија и третиот триумф против Феникс (84-62) со што се пласираа во полуфиналето на македонската Прва лига.

Екипата од Аеродром имаше одличен почеток на натпреварот и ја доби првата четвртина со 23-12, по што продолжи да доминира до крајот на првото полувреме (48-28).

Феникс не успеа да се врати во вториот дел и да му направи проблеми на фавортитот, кој до крајот на мечот ја зголемуваше предноста до конечни 84-62.

Најефикасен во победничкио тим беше Милош Копривица со 16 поени, девет скокови и три асистенции, додека Џереми Шепард постигна 17 поени и четири скокови за Феникс.