Македонската ракометна репрезентација денеска замина за Словачка, каде утре во Прешов ќе го одигра првиот натпревар од баражот за пласман на Светското првенство.
Зошто проблемот со улични кучиња СÈ УШТЕ постои? | Уште еден поткаст
Во пресрет на дуелот свое видување даде и најискусниот во националниот тим, голманот Никола Митревски, кој очекува неизвесен и тежок натпревар на гостински терен.
„Словачка е голема непознаница за нас никогаш не сме играле против нив, па натпреварот секако ќе биде тежок и незгоден затоа што играме на гостински терен. Ние се подготвуваме и верувам дека сме на потребното ниво, очекувам добар натпревар.
Големите натпреварувања кои ги имаме зад нас ни го даваат тоа право да очекуваме добар и позитивен резултат. Но, без разлика на резултатот утре нема ништо да биде решено, ова е само едно полувреме од двомечот, ние ќе го дадеме нашиот максимум да одиграме онака како што знаеме и да извлечеме позитивен реузлтат“, изјави Митревски.
Првиот натпревар помеѓу Словачка и Македонија е закажан за утре со почеток од 19:00 часот, додека реваншот ќе се одигра три дена подоцна во арената „Борис Трајковски“, исто така во вечерниот термин.
Учество во игри на среќа е дозволено за лица со 18+ години. Играј одговорно!