Миовски наскоро потпишува, познати и детали од трансферот!

Македонскиот голгетер Бојан Миовски е многу блиску до преселба во редовите на шкотскиот великан Ренџерс, објавува „Мундо Депортиво“.

Според пишувањата од Шпанија, клубовите веќе се договориле за отштета од околу три милиони евра, сума која со предвидени бонуси може да се искачи и до пет милиони. Миовски би требало да стави потпис на четиригодишен договор.

Напаѓачот минатото лето го напушти Абердин и премина во Џирона за 6,8 милиони фунти, но во Ла Лига не успеа целосно да се наметне – во 23 настапи запиша само четири погодоци. Токму затоа каталонците се подготвени да ја прифатат понудата и да се разделат со него.

Ренџерс, пак, итно бараат решение во нападот по разочарувачкиот старт на сезоната и тешкиот дебакл против Клуб Бриж (9-1 вкупно) во квалификациите за Лигата на шампионите.