Мечот меѓу Валенсија и Овиедо е одложен поради невреме!

И официјално мечот од 7.коло во Ла Лига меѓу Валенсија и Овиедо нема да се игра вечерва од 21 часот на “Местаља“ како што и беше закажан.

Имено истиот е одложен, а причината е невремето кое ја зафати градот и околината на Валенсија.

Па така одлучено е да не се ризикува со животите на навивачите и истио натпревар да се презакаже за утре од 20 часот.

Инаку, минатата година во овој период регионот на Валенсија беше погоден од големо невреме со големи материјални штети, а бројката на загинати беше околу 200.