Мареска: Не сме во трка за титулата

Фудбалерите на Челзи сезонава играат подобро од претходните, а двигател на се е новиот тренер Енцо Мареска.

Сепак, на „Сините“ им треба повеќе време за да бидат претенденти за титулата, се согласи тренерот на лондонскиот клуб.

Челзи моментално е на третото место и игра одлично во Премиер лигата. Сезонава не се во европското натпреварување каде што би сакале да бидат. Лондонскиот тим игра во Конференциската лига, иако амбициите му се многу поголеми.

Енцо Мареска дојде во Челзи и направи промени кои позитивно се одразија на клубот и постоечкиот играчки кадар. Сепак, тренерот на трофејниот англиски клуб не претерува со ветувања и очекувања.

Не, не сме во конкуренција за титулата, веќе зборував за тоа. Уште не сме таму – рече Мареска.

Фудбалерите на Челзи во следното коло играат против Астон Вила, а натпреварот е в недела од 14 часот и 30 минути.