Манчестер Јунајтед официјално го претстави дресот за новата сезона

Тимот на Манчестер Јунајтед го претстави дресот за домашните натпревари во претстојната сезона.

Дресот е силно инспириран од иконското клупско место “Олд Трафорд”, а познатиот надимак на стадионот “Театар на соништата” е напишан на грбот точно под крагната. На ракавите има графика во различни нијанси на црвената боја, која ги покажува разните елементи како теренот, трибините и тунелот.

Практично слики од дресот се појавија уште вчера, кога Мануел Угарте невнимателно ги пушти своите промотивни фотографии на своите социјални канали.

“Апстрактната графика останува верна на ДНК-то на клубот, додека обезбедува иновативен изглед и чувство на дрес со класични, но исто така модерни елементи,” пишува во официјалното соопштение на клубот. Таа, секако, по традиција вклучува и некои од иконските елементи на “Адидас”, како трите линии на ракавите, овој пат во црно.

Paying tribute to the Theatre of Dreams 🔴🏟️

Our @adidasFootball 2025/26 home kit is here.#MUFC

— Manchester United (@ManUtd) June 12, 2025