Македонија го има петтиот најдобар стрелец на Светското првенство

Со вчерашното финале помеѓу Данска и Хрватска во кое Данците славеа победа од 32:26 заврши ракометното Светско првенство на кое Македонија се претстави во добро светло.

Македонските ракометари одиграа одличен турнир на кој не беа далеку ниту од четвртфинале, а на крајот завршија како 15-ти.

Посебно во нашите редови се истакна Филип Кузмановски. Кузмановски долго време беше прв стрелец на првенството, а на крајот заврши како петти стрелец со 49 постигнати гола.

Пред Кузмановски се: Матијас Гидсел (74), Франциско Коста (54), Дика Мем (54) и Симон Питлик (50).