Maтуиди: После натпреварот со Манчестер Јунајтед сите едвај стоевме, сите освен Роналдо

Фудбалерот на Јувентус, Блес Матуиди го пофали соиграчот Кристиано Роналдо.

Тој во изјава за „РМЦ Спорт“ порача дека Роналдо тренира ден и ноќ и дека е вистински пример за останатите играчи кои покрај него дополнително напредуваат.

Матуиди за пример го посочи натпреварот против Манчестер Јунајтед во Лигата на шампионите.

„Сите бевме мртви уморни и едвај стоевме после натпреварот против Манчестер Јунајтед, сите освен Роналдо. Тој тренира како луд. Посветен е на работата повеќе од било кој друг играч. Токму затоа и на 33 години е пример за сите и ни дава дополнителен мотив. Роналдо не е пример само на тренинзите, туку и на натпреварите. Може да направи работи кои останатите не ги можат. Сите се чуствуваме подобри покрај него. Тој е вистински лидер“, изјави Матуиди.

Роналдо од пристигнувањето во редовите на Јувентус одигра вкупно 12 натпревари во сите натпреварувања и има учинок од седум голови и пет асистенции.