Maлдини за средбата со Гатузо: Се сретнавме во тунелот и се прегрнавме

Tимот на Милан вчера беше поразен од Наполи во дербито на колото со 0:1 и тој пораз „росонерите“ дополнително ги одалечи од борбата за Скудетото.

Џенаро Гатузо кој сега го води Наполи се врати на „Сан Сиро“ каде што ги помина најдобрите денови како играч, а во еден период и беше тренер на Милан.

Во славните денови како играч Гатузо во Милан соблекувалната ја делеше со Паоло Малдини кој сега е директор во таборот на „росонерите“. Малдини после натпреварот испрати само пофални зборови за Гатузо.

„Се сретнавме во тунелот и се прегрнавме. Џенаро е тренер кој се развива. Според мене најдобрата работа кај него е што секогаш е отворен за нови идеи“, изјави Малдини.