Дома Фудбал Репрезентации Mилевски: Мораме подобро, свесен сум за тоа

Mилевски: Мораме подобро, свесен сум за тоа

Фудбалската репрезентација на Македонија на почетокот на јуни ќе одигра два натпревари од пријателски карактер против селекциите на Хрватска и Чешка.

Двата натпревари ќе ги играме на гостински терен, првиот на 3. јуни, вториот седум дена подоцна. Селекторот Благоја Милевски денеска го објави списокот на повикани фудбалери и ги најави овие две средби.


Германија гази и најавува битка за титула! ↓↓↓


„Со нетрпение го очекуваме новиот собир и силните натпревари против Хрватска и Чешка, две репрезентации учесници на Европското првенство.

Во составот на македонската репрезентација се фудбалерите кои потврдија дека можат да бидат конкурентни и со најсилните европски селекции. Остануваме лојални на играчите кои одиграа одлични натпревари во вториот дел од квалификациите за Европското првенство, посебно против големите фаворити, Англија и Италија. Без разлика на формата или статусот во клубовите ќе бидат тука за главната наша цел – Лигата на нации и пресметките кои не очекуваат од септември.

Со нас е Дарко Велковски, кој е во последната фаза на опоравување од повреда, но без разлика дали ќе може да игра, важно е што како еден од најискусните во тимот и еден од лидерите на екипата е дел од овој собир

Двата контролни натпревари во Ријека против Хрватска и Храдец Кралове против Чешка ни се важни во подготовките за септемвриските предизвици, со посебен акцент на зајакнување на добрата атмосфера и заедништво.

Мора да поправиме и некои работи во играта ако сакаме да забележиме позитивен резултат на претстојните два меча. Мораме подобро, свесен сум за тоа. Создаваме шанси, но мораме да ја подобриме ефикасноста, повеќе да влегуваме во празен простор, да покажеме карактер. Ова се натпревари на кои мотив сигурно нема да недостасува и треба да влеземе сериозно, одговорно и цврсто“, изјави Милевски.

Коментари
Прочитајте поврзани статии
Load More In Репрезентации

Проверете

Страшни сцени на ЕП: Докторите го спасуваа животот на унгарски репрезентативец 🎥

Во 68. минута од натпреварот помеѓу Шкотска и Унгарија видовме страшна сцена во која настр…