Еден од најдобрите кошаркари во историјата, Леброн Џејмс и официјално го потпиша новиот договор со Филаделфија 76ерсите. Овој нов ангажман ќе му обезбеди статус на најплатен играч во историјата на НБА лигата.
До крајот на сезоната 2026/27, очекуваната заработка на Џејмс само од договорите во неговата професионална кариера ќе надмине феноменални 585 милиони долари, известува Spotrac, водечка интернет база за следење на спортски договори и финансии во професионалните спортови.
По Џејмс, највисока заработка од активните кошаркари има Кевин Дурант со 545 милиони долари, следи Стеф Кари со 532 милиони. Пол Џорџ во својата НБА кариера има заработено 460 милиони долари, додека пак Кавахи Ленард има акумулирано 426 милиони долари.
Агентот на Џејмс, Рич Пол, потврди за новинарот на ESPN, Шамс Чаранија, дека Леброн се согласил на двегодишна соработка со 76ерсите, вредна осум милиони долари, во која е вклучена опција за продолжување по првата сезона.
If the upcoming 2026-27 season is LeBron James’ last, he’ll finish his career having earned over $585M on the court, the most in NBA history.
— Spotrac (@spotrac) July 24, 2026
Earnings Thru 2026-27
1. LeBron James, $585M
2. Kevin Durant, $545M
3. Stephen Curry, $532M
4. Paul George, $460M
5. Kawhi Leonard, $426M
Се претпоставува дека договорот за следната сезона ќе изнесува околу 3.88 милиони долари, што е еднакво на минималната ветеранска плата.
Форбс исто така проценува дека нето вредноста на Џејмс моментално изнесува околу 1.4 милијарди долари, а неговата вкупна заработка надвор од теренот, пред оданочување, веќе има надмината милијарда долари.
Учество во игри на среќа е дозволено за лица со 18+ години. Играј одговорно!