Ливерпул го пронајде играчот за спас на сезоната

Ливерпул го насочи својот интерес кон Мики ван де Вен од Тотенхем во обид да ја засили својата тимска постава во овој трансфер период. Договорот на 24-годишниот дефанзивец на холандската репрезентација со Тотенхем важи до 2029 година, што го поставува тимот од Лондон во силна позиција за преговори.

Според медиумите, Ливерпул е решен да ги заврши преговорите што побрзо. Наводно, “Црвените” од Мерсисајд се подготвени да понудат 90 милиони евра за да ја тестираат одлучноста на Тотенхем.

Да потсетиме, Ливерпул летово инвестираше речиси 500 милиони евра во изградба на тимот. Донесе играчи како Александер Исак (145 милиони), Флоријан Вирц (125), Хуго Екитике (95), Милош Керкез (46.5), Џереми Фримпонг (40)…, но сè уште заостануваат 14 бода зад водечкиот Арсенал.