Кузмановски: Овој бод му го посветуваме на Јовиќ

Капитенот на македонската ракометна репрезентација, Филип Кузмановски, освоениот бод синоќа со Унгарија на Светското првенство 2025 го посвети на Александар Јовиќ кој вчера ненадејно почина.

– Не потресе веста за смртта на Александар Јовиќ. Тој човек има многу направено за нас. Овој бод нека биде за него. Многу ни е жал и на сите во македонскиот ракомет ќе ни фали во иднина. Што се однесува до натпреварот со Унгарија, горд сум на сите наши играчи.

Верувавме во успех и покажавме како се игра за Македонија. Благодарност до сите наши навивачи кои ни даваа поддршка. Со Холандија да ја повториме денешната игра, да имаме малку повеќе среќа на крај и да се радуваме на победата, изјави Кузмановски.

Натпреварот со Холандија ќе се игра утре со почеток во 18 часот.

Холанѓаните во првото коло од групата Д убедливо ја совладаа Гвинеја со 40:23.

 kollektiv /EHF