Кунде по финалето во Купот: Играм фудбал за да доживеам вакви натпревари

Францускиот десен бек Жил Кунде, по постигнувањето на голот во 116. минута за победа на Барселона против Реал со 3:2 во финалето на Купот на Кралот во Севиља, изјави дека станал фудбалер за да доживее вакви натпревари.

„Станав фудбалер за да доживеам вакви натпревари. Ел Класико е најголемиот натпревар во Европа и во светот. Ова е финалето на Купот на кралот кое носи трофеј за тимот, така што имаше навистина многу емоции. Дали ова е најдобриот момент во мојата кариера? Тешко е да се каже, но многу го ценам“, изјави Кунде по освојувањето на трофејот.

Барселона сè уште има шанси да ја освои „тројната круна“, бидејќи ја очекува полуфинале во Лигата на шампионите со Интер, а во шпанската Ла Лига има четири бода повеќе од Реал, пет кола до крајот.

Фото: Принтскрин