Кратко и јасно – Ван Дајк се огласи за ситуацијата со новиот договор!

Фудбалерот на Ливерпул Вирџил ван Дајк изјави дека нема никакви информации за новиот договор со клубот.

На Ван Дајк, Трент Александер-Арнолд и Мохамед Салах им истекуваат договорите на крајот на сезоната, а во Ливерпул сметаат дека имаат позитивни разговори со нивните агенти за продолжување на соработката.

Ливерпул синоќа во Шпанија ја победи Жирона со 1:0 и ја оствари шестата победа во шест натпревари во Лигата на шампионите, а Ван Дајк беше прашан за договорот.

 “Ниту збор. Ниту збор. Нема вести”, изјави Ван Дајк за Би-Би-Си (BBC).

Единствениот гол на натпреварот го постигна Мохамед Салах од пенал во 63. минута.

 “Тоа е дефинитивно многу важен гол. Беше добро. Мораме да продолжиме, вклучувајќи ме и мене”, додаде холандскиот фудбалер.