Кирјос направи шоу: Јас би се развел поради Ѓоковиќ!

Во минатото беше голем критичар на Новак Ѓоковиќ, а сега Ник Кирјос го брани Србинот на секој чекор. Повторно се во одлични односи и често се шегуваат.

Кирјос ја коментираше одлуката Новак да соработува со својот поранешен голем ривал Енди Мареј.

Кирјос се пошегувал на сметка на Енди Мареј и истакнал дека неговата сопруга сигурно многу го сака, бидејќи токму што се пензионираше, сега ќе патува низ светот со Новак.

„Сега го тренира Новак, и мислам, овој тип навистина не може да се откаже од тенисот. Не може. Мислев, овој тип ќе седи со семејството, ќе ужива во животот. Но тој реши да го тренира Ѓоковиќ. Јас да сум на нејзино место, сигурно би се развел од него“, се пошегува Кирјос.