Карагер ги изненади сите со својата прогноза: “Тие ќе ја освојат Премиер лигата, а причината е едноставна”

Иако Арсенал во новата сезона влезе како актуелен шампион на Англија за првпат по повеќе од две децении, Карагер не верува дека тимот на Микел Артета ќе успее да ја одбрани титулата. Неговиот фаворит за трофејот е Манчестер Сити.

“Граѓаните” ќе ја започнат сезоната 2026/27 со нов тренер по заминувањето на Пеп Гвардиола, а на кормилото дојде Енцо Мареска. И покрај тоа, Карагер смета дека промената на клупата нема да го спречи Сити во борбата за титулата.

“Мислам дека Манчестер Сити ќе ја освои лигата. Причината е едноставна – минатата сезона беа многу блиску до титулата. Знам дека Пеп Гвардиола замина, но мислам дека овој тим и понатаму има неверојатен квалитет”, рече Карагер во подкастот Football Ramble.

Особено истакна дека Сити минатата сезона не беше на својот максимум, но и покрај тоа завршија високо на табелата.

“Лани не играа ниту блиску до најдобриот фудбал, а сепак беа конкурентни за титулата. Тоа ми кажува колку се силни”, додаде некогашниот репрезентативец на Англија.