Не само во Англија, туку и во Италија интензивно се зборува за иднината на играчот од средината на теренот на Њукасл, Сандро Тонали. По појавата на гласина за трансфер на италијанскиот репрезентативец во Арсенал на последниот ден од зимскиот трансфер прозорец, „Газета дело спорт“ денес пишува дека токму поранешниот играч на Милан е главната цел на Јувентус за ново засилување во летото.
Според изданието, шансите на Јувентус да го привлече Тонали значително ќе се зголемат, ако Њукасл не успее да се квалификува за Лигата на шампионите во следната сезона. Ова изгледа многу веројатно со оглед на 11-та позиција на тимот во Премиер лигата и растојанието од седум поени од петтиот Челзи.
До кога ќе дишеме отровен воздух!? | Уште еден поткаст
Тоа може да го натера тимот да се раздели со една од своите ѕвезди, за да го исполни Финансискиот фер-плеј. Од друга страна, доколку „бјанконерите“, кои се четврти во Серија „А“, си обезбедат учество во ЛШ и продадат непотребни играчи како Лоис Опенда, тие ќе располагаат со потребните средства за да финансираат ваков трансфер.
Учество во игри на среќа е дозволено за лица со 18+ години. Играј одговорно!