Јувентус не се откажува од Осимен и покрај договорениот напаѓач

Договореното привлекување на напаѓачот Џонатан Дејвид како слободен агент не значи дека Јувентус ќе престане со обидите да потпише и со Виктор Осимен од Наполи, тврди Џанлука Ди Марцио.

Според трансфер експертот, Старата дама ќе продолжи да преговара за нигерискиот репрезентативец, кој останува приоритетна цел. Ако клубот не успее со Осимен, ќе го разгледа резервното решение, а тоа е Матео Ретеги, кој стана водечки стрелец во Серија “А” минатата сезона со тимот на Аталанта.

Меѓувремено, Јувентус се обидува да се договори со Пари Сен Жермен за продолжување на заемот на Рандал Коло Муани и за претстојната сезона, додека продолжува да бара нов клуб за Душан Влаховиќ.