Јурген Клоп ќе ја преземе Германија: Постигнат е целосен договор

Она што изгледаше како сигурно, сега е факт: по неуспешното Светско првенство под раководство на Нагелсман, Јурген Клоп ќе го преземе германскиот национален тим. Тоа го потврди самиот експерт. Според информациите, постои целосна договореност и следниот петок Клоп ќе потпише договор до Светското првенство 2030 и ќе биде официјално претставен на прес-конференција.

Вечерва тој сè уште ќе биде во улога на телевизиски експерт за финалето на Светското првенство помеѓу Аргентина и Шпанија.

“Постигнав договор со Red Bull (за напуштање – бел.ред.) – многу великодушна договореност. Така што веќе нема ништо што реално стои на патот. Сè оди во вистинската насока. По финалето ќе отпатуваме назад (за Германија) со цел да го уредиме сè што е можно побрзо”, потврди Клоп.

Според медиумските извештаи, неговиот досегашен работодавец “Ред Бул” го ослободува без компензација или други барања – детаљ што до последно беше пречка во преговорите со Германската фудбалска федерација. Се разговараше за можноста Клоп да остане амбасадор на брендот или советник – сценарио што од фудбалската федерација сакале да го избегнат по секоја цена.