Joкиќ испиша историја и влезе во елитно друштво, 39 поени на Дончиќ не беа доволни 🎥

Никола Јокиќ продолжи да блеска и измината вечер во НБА лигата дојде до уште еден трипл-дабл (133:112) и тој беше негов 100-ти во кариерата.

Само петмина во историјата можат да се пофалат со троцифрен број на вакво остварување и тоа се: Леброн Џејмс 106, Џејсон Кид 107, Меџик Џенсон 138, Расел Вестбрук 198 и Оскар Робертсон 181. Натпреварот против Хјустон, Јокиќ го заврши со 14 поени, 11 скока и 10 асистенции, на теренот помина само 28 минути и доби поголем одмор поради водството на неговиот тим.

На својот 24-ти роденден Лука Дончиќ играше одлично, но тоа не беше доволно Далас да слави против Индијана (122:124). Словенецот постигна 39 поени и додаде уште осум скока и шест асистенции. Во победничкиот тим најефикасен беше Халбутрон со 32 поени, седум скока и шест асистенции.

НБА РЕЗУЛТАТИ: Атланта – Вашингтон 116-119, Бруклин – Милвоки 104-118, Мемфис – ЛА Лејкерс 121-109, Торонто – Чикаго 104-98, Хјустон – Денвер 112-133, Оклахома – Сакраменто 117-123, Далас – Индијана 122-124, Јута – Сан Антонио 94-102, Голден стејт – Портланд 123-105, ЛА Клиперс – Минесота 101-108.