Jaховиќ може да го напушти Гезтепе, но ќе остане во Турција

Македонскиот репрезентативец Адис Јаховиќ на лето би можел да се пресели во нов клуб во Турција.

Јаховиќ како што стојат работите ќе го напушти Гезтепе, а според информациите негов следен клуб ќе биде тимот на Пендикспор од Истанбл. Овој клуб за првпат во својата историја следната сезона ќе игра во турската втора лига, нивните амбиции се големи па затоа го сакаат во своите редови и искусниот Јасховиќ.

Веќе долги години Јаховиќ настапува во Турција, па така сигурно дека неговото искуство и квалитет би биле од помош за Пендикспор. Информациите од Турција се дека Јаховиќ веќе ги договорил личните услови со овој клуб, а сега следува клубовите да пронајдат заеднички јазик.