Италијанската легенда разочарана: Ако тоа беше пенал готово – се откажувам од фудбалот!

Во првиот натпревар од плејофот на Лигата на шампионите, Клуб Бриж ја победи Аталанта со 2:1, а голот за гостите го постигна хрватскиот репрезентативец Марио Пашалиќ. Реванш натпреварот е закажан за 18 февруари во Бергамо. Белгискиот тим дојде до победа во четвртата минута од продолжението со реализиран пенал од страна на Густаф Нилсон.

Пеналот беше доделен во 91-ва минута, откако одбранбениот играч на Аталанта Хиен во трчање со рака го зафати лицето на Нилсон. Навивачите на Аталанта протестираа поради тој пенал, а се огласи и Бепе Бергоми (61), некогашен капитен на Интер, а денес стручен коментатор на италијанската телевизија Sky.

“Се откажувам. Ова повеќе не е фудбал. Ако ова е пенал, фудбалот е завршен. Не сакам понатаму да коментирам”, рече тој со неверување. Италијаните најмногу замеруваат што не се вклучи ВАР собата за да го доведе во прашање контактот во шеснаесетникот.