Интер славеше во Минхен, Реал прегазен во Лондон

Во првиот четвртфинален натпревар од Лигата на шампионите, Арсенал се издвои со убедлива победа од 3-0 против Реал Мадрид. Во Минхен, Интер приреди изненадување за Баерн.

Деклан Рајс беше несомнено херојот на Арсенал. Со два маестрални гола од слободни удари во 58. и 70. минута, тој им го нанесе големиот пораз на “кралскиот“ клуб. Микел Мерино го заклучи натпреварот со гол во 74. минута.

На „Алијанц арена“ Интер успеа да го победи Баерн Минхен со 1-2. Лаутаро Мартинез отвори резултат во 37. минута за Интер.

Томас Милер израмни во 85. минута, но Давиде Фратези го донесе победничкиот гол за Интер само три минути по израмнувањето.