Хамилтон доживеа голем деловен распад: Со холивудскиот актер започна бизнис, но сè пропадна

Луис Хамилтон (40) нема добри резултати само на патеката, бидејќи се мачи во својата прва сезона во Ферари, а сега има уште еден проблем.

Неговиот синџир на вегански бургери што го започна со актерот Леонардо ДиКаприо сега е затворен, а како последица на тоа отпуштени се 150 луѓе, потврди „ЕСПН“.

Легендарниот Хамилтон, возач на Формула 1, го лансираше “Neat Burger” во 2019 година и во една фаза имаше осум локации низ Лондон, но постепено ги затвораше локалите, а на крајот на месецов на ред ќе дојде и последниот ресторан. Најпрво „Д сан“ пренесе дека фирмата со седиште во Лондон, за која тврдат дека е прва меѓу синџирите за вегетаријански хамбургери, се намалила поради големите загуби во 2023 година.

Фото: Принтскрин