Грег Попович се онесвестил – итно бил пренесен во болница

Тренерот со најмногу победи во историјата на НБА лигата, Грег Попович, паднал во несвест во еден ресторан во Сан Антонио.

„Тренерот на Сан Антонио, Грег Попович, имал медицински инцидент во ресторан во вторник навечер и сега е дома, стабилен е и добро се чувствува. Попович имаше помал мозочен удар во ноември и ја пропушти остатокот од сезоната“, напиша најпознатиот НБА новинар Шемс Чаранија и така ги загрижи сите љубители на НБА.

Според информациите од овој медиум, инцидентот се случил околу 8:20 навечер по локално време. Неговиот живот не бил загрозен ни во еден момент.

Фото: Принтскрин