Галатасарај испрати нова понуда за Осимен, па веднаш пристигна одговор од Наполи

Фудбалскиот клуб Наполи ја одби подобрената понуда на Галатасарај за напаѓачот Виктор Осимен, кој минатата сезона ја помина на позајмица во тој турски клуб.

Како што пренесоа денес италијанските медиуми, се очекува Наполи да го продаде 26-годишниот нигериски фудбалер ова лето.

Тој во 2020 година од Лил премина во Наполи, а минатата година се обидуваше да го напушти клубот. Тоа не му успеа, па замина на позајмица во Галатасарај, за кој на 41 натпревар во сите натпреварувања постигна 37 гола и имаше осум асистенции.

Во неговиот договор има клаузула за заминување во вредност од 75 милиони евра, која важи за клубови надвор од Италија.

Фoтo: Grok AI