Ферари го доби судскиот спор, Астон Мартин во голем проблем

Тимот на Формула 1, Ферари, доби судски спор со кој го спречува својот поранешен технички директор Енрико Кардиле да започне со работа во Астон Мартин до 18 јули.

Кардиле го напушти Ферари за да стане технички директор на Астон Мартин, а оттогаш двете екипи се во конфликт околу тоа кога треба да го започне својот нов ангажман.

Во соопштение, Ферари објави дека Кардиле „веќе ја прекршил анти-конкурентната клаузула со Ферари“ и дека пресудата ја донел судијата во Модена „пред неколку недели“.

Во соопштението се додава дека целта на релевантната клаузула во договорот на Кардиле е „имено да ги спречи другите тимови на Формула 1 да добијат неправедна предност, ангажирајќи го Кардиле порано од дозволеното, и на таков начин да му нанесат непоправлива штета на Ферари“.