ФБИ откри детали за апсењата кои предизвикаа „земјотрес“ во НБА-лигата

НБА-лигата, на самиот почеток од новата сезона се соочува со еден од најголемите скандали во својата историја.

Американската јавност е потресена по апсењето на тренерот Чонси Билапс и кошаркарот на Мајами Хит, Тери Розиер, а секојдневно излегуваат нови детали околу случајот.

Според информациите што ги објави новинарот Џо Помпилано по прес-конференцијата, ФБИ го потврдило апсењето на Билапс и Розиер, но открило дека меѓу приведените е и Демон Џонс – поранешен НБА играч и тренер, кој не бил спомнат во првичните извештаи.

Покрај нив, уапсени се уште 27 лица, меѓу кои и 13 припадници на мафијашки групи од 11 сојузни држави.

Сите тие се обвинети за сериозни кривични дела, меѓу кои нелегално коцкање, изнуда и перење пари преку илегални трансакции.