Шкендија сезонава се претставува повеќе од солидно во Конференциската лига, а покрај бодовите и добрите игри, тетовскиот клуб би можел да заработи и на трансфери.
Според информациите на албанскиот портал „Опен-ТВ“, интерес за дефанзивецот Имран Фетаи покажува полскиот великан Лех Познањ, кој внимателно ги следи неговите настапи.
Како екраните влијаат на детскиот развој? Разговор со дефектолог
Фетаи повторно беше меѓу најдобрите и на вчерашниот натпревар против Јагелонија, во кој Шкендија беше на чекор од победа — водеше 1:0 до последните моменти, кога полскиот тим израмни од својата прва посериозна шанса.
Како што пишува порталот, скаути на Лех биле присутни на трибините и оставиле позитивен извештај за младиот дефанзивец. Освен Полјаците, за Фетаи интерес се споменува и од неколку други европски клубови, но токму Лех се смета за најконкретна дестинација.
Пред да пристигне во редовите на Шкендија, Фетаи настапуваше за Беса, Тиквеш, Гостивар, како и за албанската Аполонија, каде ги мина младинските категории.
Учество во игри на среќа е дозволено за лица со 18+ години. Играј одговорно!