Eлмас: Подготвен сум да дебитирам!

Maкедонскиот репрезентативец, Елиф Елмас е презадоволен од почетокот во Лајпциг каде што тренира веќе три дена.

Пред да пристигне во Лајпциг, Елмас имаше ситна повреда, но сега тој порачува дека повредата е минато и е спремен да дебитира за германскиот тим.

„Ова ми е трет ден тука и се чувствувам навистина добро. Немам никаква болка, повредата е минато и тренирам со остатокот од тимот. Подготвен сум за деби“, изјави Елмас.

Првата прилика да дебитира Елмас ќе ја има на 13-ти јануари кога Лајпциг ќе игра против Ајнтрахт. Ќе потсетиме, Лајпциг за услугите на Елмас плати сума од 25 милиони евра.