Jувентус важи за еден од најомилените, но исто така и за еден од најомразените клубови помеѓу љубителите на фудбалот во Италија. Ретки се оние кои не навиваат за торинскиот клуб, а тој да не им е прв на листата најомразени.
„Старата дама“ скоро воопшто не ја поднесуваат во Неапол, а да се прошетате во градот под Везув со обележје на Јувентус може да биде опасно по вашиот живот.
Колку всушност во Неапол не го сакаат Јувентус покажуваат и сцените после вчерашната елиминација на „старата дама“ во четвртфиналето од Лигата на шампионите.
Откако беше завршен натпреварот во Торино дел од жителите на Неапол започнаа да слават со пуштање на огномет.
Наполи утре го игра реваншот од Лигата на Европа против Арсенал во кој ќе „брка“ негатива од 0:2 од првиот натпревар.
Учество во игри на среќа е дозволено за лица со 18+ години. Играј одговорно!