Драма во центарот на Виена: Претепан австриски напаѓач – сезоната за него е завршена!

Искусниот австриски напаѓач Гвидо Бургшталер бил претепан за време на викендот во центарот на Виена и претрпел тешки повреди на главата.

Овој 35-годишник бил жртва на физички напад кој се случил во Виена, а сè се одвивало пред бројни сведоци по што Бургшталер бил толку силно удрен со главата од земјата што добил и фрактура на основата на черепот.

Го нападнал непознат напаѓач, а неговиот Рапид се огласил на социјалните мрежи каде изразиле надеж дека надлежните органи ќе го пронајдат напаѓачот и побарале да се почитува приватноста на нивниот напаѓач и неговото семејство.

Веднаш бил пренесен во болница во Виена каде бил дополнително прегледан и според информациите наредните неколку денови ќе мора да ги помине на интензивна нега.

Играње фудбал за сега не доаѓа предвид, а најновите информации велат дека тој ја завршил сезоната и тоа на неславен начин.

Договорот со Рапид му истекуваше на лето, а од порано имаше најавено повлекување на крајот на сезоната, така што е многу можно Бургшталер веќе да ја завршил професионалната кариера.

Кариерата ја започна во Карнтен, а уште играше за ФК Магна, Рапид од Виена, Кардиф, Нирнберг, Шалке и Сент Паули за да се врати во летото 2022 година во Рапид каде сакаше да ја заврши кариерата.

Во дресот на репрезентацијата на Австрија одигра 26 натпревари и постигна два гола.

Furchtbare Nachrichten um Guido Burgstaller: Der Rapid-Kapitän wurde am Wochenende in der Wiener Innenstadt schwer verprügelt und schwer verletzt! Er erlitt einen Schädelbasisbruch. https://t.co/UCQwOv46Hz pic.twitter.com/YwqtgsMF8q

— Kronen Zeitung (@krone_at) December 16, 2024