Џеси Лингард пред потпис со нов клуб!

Од почетокот на јануари Џеси Лингард е без клуб, откако го напушти Сеул. Сега, 33-годишниот фудбалер е пред голем број на понуди и сите со нетрпение очекуваме каде ќе ја продолжи кариерата.

Поранешниот играч на Манчестер Јунајтед има понуда од Премиер лигата, конкретно од Вест Хем, но за него моментно поинтересна е опцијата да го носи дресот на Фејенорд.

Оваа можност му изгледа привлечна поради соработката со Робин ван Перси, а Фејенорд му нуди и значајни минути на теренот, особено по повредата на Шакил ван Перси.

Италијанската Серија А, исто така, покажува интерес за него, а Џенова е првата што испратила понуда. Конечно, изборот ќе биде на самиот фудбалер.

Лингард ја започна својата кариера во Манчестер Јунајтед каде беше од својата осма година. Тој е позајмуван на Лестер, Бирмингем, Брајтон, Дерби и Вест Хем, додека една сезона беше во Нотингем Форест. Во Сеул помина речиси две години.