Чудна тактика: Голманот на Арсенал сакаше да биде херој, а сега сите му се смеат (Видео)

Синоќа на „Емирати“ гледавме одличен дуел помеѓу Арсенал и Манчестер Јунајтед во ФА Купот, а на крајот „Црвените ѓаволи“ извојуваа победа по пенали. Токму за време на пеналите видовме најинтересниот момент вечерва и чудната тактика што ја проба голманот на лондонскиот клуб Давид Раја.

За време на пеналите, во центарот на вниманието се стави голманот на домашниот тим Давид Раја поради интересната тактика што се обиде да ја користи при пеналот на Лени Јоро, но неговиот обид не беше успешен.

Шпанскиот голман се обиде да го прочита ударот на Јоро и се фрли на својата лева страна пред играчот на Манчестер Јунајтед да го изведе ударот, но тоа не му помогна да го одбрани својот гол.

Јоро шутираше на спротивната страна и погоди за 3:1 во пенал серијата, а Раја стана цел на исмејување на социјалните мрежи поради неговиот потег.

wtf is Раја doing🤣 pic.twitter.com/knfDOWu9s0

— Out Of Context Premier League (@NoContextEPL) January 12, 2025