Челзи испрати и трета понуда од 55 милиони,но повторно доби „НЕ“!

Милан го одби Челзи за Мињан, а Борусија Дортмунд ја одби втората и веднаш и третата понуда за Џејми Бајн Гитенс.

Како што е познато, Енцо Мареска сака крилниот напаѓач на Дортмунд наместо Џејдон Санчо, но преговорите не се нималку лесни.

Челзи со првата понуда од 35 милиони евра доби очекувано веднаш негативен одговор, а потоа испратија и зголемена понуда од 50 милиони, но Дортмунд и тоа го одби. Истовремено, веднаш по втората, Челзи испрати и трета од 55 милиони, одговорот остана ист.

Наводно, во Борусија го проценуваат Гитенс на 65-70 милиони евра и моментално не отстапуваат од своите барања, и покрај фактот дека Англичанецот веќе ги постигнал сите лични услови со лондонскиот клуб.

На социјалните мрежи кружеа коментари од навивачи кои никако не го поддржуваа овој трансфер, бидејќи истакнуваат дека откупната клаузула за Нико Вилијамс е само 58 милиони евра, додека Гитенс според Борусија е значително поскап.

Инаку, денес до 20.00 часот е конечниот рок за засилувања пред претстојното СП, што значи дека Челзи успеа да го донесе само Лијам Делап, иако Мареска сакаше барем Гитенс, но тоа сега дефинитивно пропадна.

Интересно е тоа што Гитенс е роден во Лондон, играл во помладите категории на Челзи, а потоа како 14-годишник, во 2018 година преминал во академијата на Манчестер Сити, од каде што како слободен играч заминал во Дортмунд, во септември 2020 година.

Во наредните години Гитенс напредуваше до првиот тим, а до овој момент за Борусија одигра веќе 106 натпревари, постигнал 17 голови и забележал 14 асистенции.