Челси се засилува на левото крило: Две звучни имиња се во игра, едно е од голем ривал

Остануваат нешто повеќе од две недели до завршувањето на зимскиот трансфер период, а сега доаѓа вест која предизвикува вистинска трансфер бомба од Англија.

Откако Михајло Мудрик падна на допинг тестот и доби суспензија, Челси е во потрага по ново лево крило.

Според информации од реномираниот новинар на „Атлетик“, Дејвид Орнстин – два имиња се најблиску до тимот на Сините.

Станува збор за играчот на ривалскиот клуб од Англија, Алехандро Гарначо од Манчестер јунајтед и Џејми Гитенс од Борусија Дортмунд.

Наводно, веќе се обавени почетни разговори со двата клуба, но преговорите се уште се во рана фаза.