Бразил го продолжи својот пат на подготовки за Светското првенство со убедлива победа од 6:2 против Панама, но некои навивачи на Маракана најдоа причина за незадоволство.
Зошто проблемот со улични кучиња СÈ УШТЕ постои? | Уште еден поткаст
Свирежите беа упатени кон голманот Алисон Бекер, иако тој не беше причината за примениот гол.
Панама поведе во 13. минута со погодок од слободен удар, при што топката го погоди Матхеус Куња во живиот ѕид, го смени правецот и го изненади Алисон, кој немаше време да реагира.
Сепак, дел од публиката на Маракана го исвирка репрезентативецот на Бразил. Голманот на Ливерпул после мечот призна дека ги слушнал реакциите, но се обиде да ја претвори ситуацијата во шега.
‘Таков е животот на еден голман. Дури и кога не си виновен, си обвинет’, рече Алисон со насмевка, додавајќи: ‘Во Бразил има изрека дека несреќата е секогаш вина на голманот. Кога примаш гол, луѓето ќе те обвинуваат, без разлика што навистина се случило. Така е низ целата кариера.’
Алисон смета дека голот е резултат на несреќен сплет на околности.
‘Тоа беше момент на непредвидливост. Мораме да корегираме вакви работи пред Светското првенство, но за време на меч не смееш премногу да размислуваш за грешките. Најважно е да останеш сконцентриран.’
о алисон, исвиркан на стадионот за ваков момент кој не е негова вина pic.twitter.com/8tl3JkKk0Q
— out of context brasileirão (@oocbrsao) May 31, 2026
Учество во игри на среќа е дозволено за лица со 18+ години. Играј одговорно!